عسى العمى ياخاين العهد يعميك

[بنت ال نهيان]

يالي زعلت ازعل ولاني مراضيك.....اشرب كدر ماي البحر كانه ارضاك

لاتحسب اني عقب صدك بداريك...... بعز نفسي عنك مادراك مادراك

اربع سنين انا متـــــحمل تغليك ...... راضي بتعذيبك لاجل قلب اغلاك

وخليتني واليوم والله لخلــــــــــيك ..... وادوس قلبي لينه يقول خلاك

قبل توريني الحـــــــــــساير بوريك ..... ليما يقال فلان هانك ووراك

كانك تحداني فانا اقبل تحديك ..... وانسـى الغرام اللي مضى واتحداك

ماني بقايلك عـــــــــسى الله يهنيك ..... الله يحرمك كل ماكان هناك

عسى العمى ياخاين العهد يعميك.... فوق الغرور اللي عن الماضي اعماك

وعساك ماتسمع قريب يناديك ...حيثك تجاهل صوت مـــحروم ناداك

وعسى الشلل يعوق رجل تمشيك... لينك تندم ليش غيرت ممـــشاك

وعسى حياتك بس فرحه لشانيك...يلقى بها فرصــــه عدوك ويشناك

وعسى الليالي اللي تجيني بطاريك ... يصبح عليها الصبح وتموت طرياك

وعسى المنام وكل راحه تجافيك ... آمين حـــــتى اللي تمناه يجفاك

وعساك ماتفرح وتكثر بلاويك.... وامك تشق الجيب من عظم بلواك

ولامت جعلك في جهنم تصاليك .... نار الجحيم ونار دنياك تصلاك

الله يكره فيك حتى دوانيك ..... غشاش خاين من من الناس داناك

هذي النهايه روح الله يجازيك ... امسك ويومك عنهم الغدر لغاك



انشاء الله ينال اعجاب الجميع ..

[سمو الشيخ]

عسى العمى ياخاين العهد يعميك.... فوق الغرور اللي عن الماضي اعماك


احسنت ختيه ع الابيات

[~!خـِفـآيـِـ قِلبَ ــأ]

تسلمين ع الابيات الحلووه..^.^



وبنتضار كل يديدج...

[داري قطر]

يالي زعلت ازعل ولاني مراضيك.....اشرب كدر ماي البحر كانه ارضاك

مشكوره ..اختي.. عالقصيده الاكثر من رائعه

تقبلي مروري

[هـٍمـٍےذبـٍפـٍنْـٍےღ]

وعساك ماتفرح وتكثر بلاويك.... وامك تشق الجيب من عظم بلواك

ولامت جعلك في جهنم تصاليك .... نار الجحيم ونار دنياك تصلاك

الله يكره فيك حتى دوانيك ..... غشاش خاين من من الناس داناك

هذي النهايه روح الله يجازيك ... امسك ويومك عنهم الغدر لغاك

يالبيييييييييه ع القصيده ميغاااامافيهاا حيله الغلا
وصح السانش وفالش البيرق والله يعطيش العافيه
دمتي لنا بالود

[سلهود]

يعطيج العافيه ع الخاطره


ماني بقايلك عـــــــــسى الله يهنيك ..... الله يحرمك كل ماكان هناك

[● »[ نآهبن لـﮯ فـﯜآدي ]« ●]

الله قصيده جميله جميله جدا جدا
ابدع الي كتب القصيده هههآي


تسلمين حبوبه ع الطرح الغآوي
يعطيج العـآفيـ’ة

[قلبـﮱ صۋٍؤيب]

كانك تحداني فانا اقبل تحديك ..... وانسـى الغرام اللي مضى واتحداك

صح لسان الشاعر .
تسلمين ع النقل .
ربي يعطيج العـافيه .

[عذبؤڪ ياإ قلبـﮯ]

وايدَ وايدَ ناإيسسَ < مبدعَ الليَ كتبهآإ الصصرآحه ..*

تسسلمينَ الغلاإ ع القصصيدة ...*

الرب لآإ هآنجَ ..*